تعالو كدة كل واحد مننا يتأمل حياته تبع سنه وظروف حياته منذ الطفوله لغايه ماتقرا كلامى وتقتنع بيه
دماغك تطلع لقطه .
والكلام عبارة عن تفسيرى للايام والشهور والسنين بتكون عبارة عن لقطات .
ممكن تشوف موقف حصل قدامك او حد اكلم معاك فى حاجه معينه فى لحظه دماغك تطلع لقطه حصلت معاك فى الماضى .
انت ممكن تبقى ناسى لحظات مهمه فى حياتك وتيجى تتفرج على صورة فى ااقل من ثانيه دماغك تحضر اللقطه وتفتكرها .
كل لقطه وليها تعبير .
المهم الحياة مابين لقطه طفوله على لقطه حزينه على لقطه سعيدة وكل لقطه وليها تعبير على ملامح وشك وانت بتفتكرها .
عارفين ان لقطات السعادة بتكون اكتر بس مش بتاخد حقها فى المعيشه زى لقطات الحزن يعنى اللقطه السعيدة يدوب ابتسامه والاغلب بتقلب بحسرة على اللى فات ومش عارف ترجعه .
اما الحزن بقى ياساتر ياساتر .
ناس غاويه نكد .
طب تعرفو بقى ان فيه لقطه سعادة لما تفتكرها بتقلب بحزن جامد ااوى علشان ممكن اصحاب اللقطه ديه ميكنش موجود معاك
بتفتكرها اة بس بتلاقى دموعك غيرت لحظه السعادة وخلاطتها بلحظات حزن وبرضه هتدى مساحه للنكد اكتر .
المهم ان الحياة قصيرة مهما عدت السنين وانت قاعد مع نفسك بتفتكر فى ربع ساعه لقطات حياتك .
يارب ارضى علينا فى اللقطه الاخيرة اللى مش هتبقى ذكرى ليك لاء هتبقى ذكرى عند ناس تانى يمكن يفتكروك بالرحمه اللهم احسن ختامنا وارضى عنا واجعل خير ايامى يوم لقاك .
إرسال تعليق
رئيكم يهمنى